MY FEORATE SONG LYRICS

1.सांग कधी कळणार तुला भाव माझ्या मनातला !

सांग कधी कळणार तुला भाव माझ्या मनातला !
रंग कधी दिसणार तुला लाजणाऱ्या फुलातला ?

गंधित नाजुक पानांमधुनी, सूर छेडिते अलगद कुणी
अर्थ कधी कळणार तुला, धुंदणाऱ्या सुरातला ?

निळसर चंचल पाण्यावरती, लयीत एका तरंग उठती
छंद कधी कळणार तुला, नाचणाऱ्या जलातला

जुळता डोळे एक वेळी, धीट पापणी झुकली खाली
खेळ कधी कळणार तुला, दोन वेड्या जीवातला


गीतकार : मधुसूदन कालेलकर,
गायक : सुमन कल्याणपूर - महेंद्र कपूर,
संगीतकार : एन. दत्ता ,
चित्रपट : अपराध (१९६९)

------------------------------------------------------------------------------------------------------------

2. तुटताना तुटतो हा जीव का सांग ना !

तुटताना तुटतो हा जीव का सांग ना
निघताना अडतो पाय का
संपले जरी सारे तरी, आस कोणती माझ्या उरी
सरताना सरते ही वेळ का सांग ना
तुटताना तुटतो हा जीव का

हरलेले श्वास हे, चुकलेली पावले
मन मागे ओढते, अडखळते अन पडते का
माझे सारे जिथे, काही नाही तिथे
मन तरीही सारखे घुटमळते अन रडते का
नसताना असतो हा भास का सांग ना

स्वप्ने विरली आता, जो तो झाला रिता
त्या दिवसांची हवा दरवळते अन छळते का
क्षण हे जाळिती, राती आता सुन्या
तो पाहून चांदवा गलबलते मन हलते का
मिटताना मिटतो काळोख का सांग ना
तुटताना तुटतो हा जीव हा

गीतकार : क्षितीज पटवर्धन,
गायक : शेखर रावजियानी,
संगीतकार : ट्रॉय - आरिफ,
गीतसंग्रह/चित्रपट : क्लासमेट्स (२०१५)

------------------------------------------------------------------------------------------------------------